Amico Cimino - Bitti Eroica - BITTI ON LINE

D' eroes fizzos mama avventurada
lassa su luttu ca no est pro te,
alza sa testa e resta altera in pe'
pro chi ses de su sole fizza amada.

Sa gloria immortale s'est dignada
daredi cantu nobile àda in sè
de ogni imperadore e d'ogni re
ses s'unica eroina invidiada.

Su nomen tou iscrittu est in s'istoria
a litteras de oro a tottu intentu
ligadu a d'ogni celebre vittoria

o Bitti mia! ram monumentu
ses d'eroes sublimes et de gloria,
de te mai finire dèt s'ammentu.

O mama avventurada chi ninnias
in su matemu sinu e às ninnadu,
fizzos chi dene dare e àna dadu
proa de sè cun raras valentias.

Non piangas sos mortos, forte sias
ca una mezzus vida àna incontradu
si sende in vida àna s' Isula illustradu
oe sos ninnos sun de sas Iddias.


Mira sas incurabiles feridas
sìgnos d'inestimabile valore,
isfida a tottugantas sas isfidas.

Mira cussas insignas de onore
pro eroicos attos cuncedidas
mama felice, e como allatta amore.

ICHNUSSA - Biblioteca Digitale Della Poesia Sarda
Sito Internet: www.poesias.it